Ташкилоти ғайритиҷоратӣ мебошад, ки дар Вазорати адлияи Ҷумҳурии Тоҷикистон 22 ноябри соли 2000 бо бақайдгирии минбаъда дар солҳои 2007, 2014, 2016, 2017 ва 2021 ба қайд гирифта шудааст. Санаи охирини бақайдгирӣ 29.09.2023 с. Мебошад. Ташкилот вориси ҳуқуқии Бюрои «Занон дар рушд» мебошад, ки соли 1995 бо дастгирии Барномаи Рушди СММ (UNDP) таъсис ёфта, тибқи қонунгузории Ҷумҳурии Тоҷикистон амал мекунад.
Ҳадафи ташкилоти ҷамъиятии «Гендер ва тараққиёт» таҳкими нерӯи ҳаракати занон дар Ҷумҳурии Тоҷикистон мебошад.
Ташкилоти ҷамъиятии «Гендер ва тараққиёт» ба беҳтар кардани вазъи иҷтимоию иқтисодии занон, тавонмандсозии занон, пешбурди баробарии гендерӣ ва фароҳам овардани шароити баробар барои ҳамаи аъзои ҷомеа нигаронида шудааст. Ташкилот дар гузаронидани маъракаҳои васеи иттилоотию таълимӣ, барномаҳои таълимӣ ва чорабиниҳо, инчунин дар дастгирӣ ва татбиқи ташаббусҳои иқтисодӣ барои табақаҳои канормондаи аҳолӣ мусоидат менамояд.
Ташкилоти ҷамъиятии «Гендер ва тараққиёт» бо шарикони давлатӣ, шарикони байналмилалӣ ва созмонҳои ғайридавлатии маҳаллӣ фаъолона ҳамкорӣ мекунад, ки ба татбиқи самараноки барномаҳо дар тамоми минтақаҳои кишвар имкон медиҳад. Ташкилот зиёда аз 80 лоиҳаро бо дастгирии донорҳои байналмилалӣ, ба монанди БРСММ, ЮСАИД, ЮНИСЕФ, ИА, АКТЕД ва ғайра амалӣ кардааст.
